Námsfrí á Ítalíu
Tungumálaskólinn Campus Magnolie er í litlu þorpi, Castelraimondo, í hinu rómaða Marche – héraði í hjarta Ítalíu, um 200 km norðaustan við Róm, nálægt fallegum ströndum Adríahafsins. Skólinn er sérlega vel búinn og hefur á snærum sínum frábæra kennara.
Í boði eru mismunandi ítölskunámskeið, allt frá byrjendanámskeiðum upp í námskeið fyrir þá allra færustu. Grunnverð er sérlega hagstætt eða 1190 evrur, fyrir fjögra vikna námskeið með gistingu og fjölda skoðunarferða.
Jóhanna hefur skipulagt Námsfrí á Ítalíu í 18 ár og á þeim tíma hefur mikill fjöldi Íslendinga, á öllum aldri, notað tækifærið til að kynnast ítalskri tungu og menningu betur.
Innifalið í verði
Gisting í fjórar vikur, 90 kennslustundir og ýmsar skoðunarferðir þ.á m. ferðir til Rómar, Flórens og aðrar ferðir til nálægra menningarborga í héraði. Hægt er að uppfæra gistinguna í sér íbúð eða aðstöðu í Agriturismo Villa Casabianca, gegn aukagjaldi.
Skipulagðar ferðir gegn vægu gjaldi verða til: Napólí, Feneyja, Verona, Garda - vatnsins, Cinque Terre, San Marino og til Puglia. Auk þess er boðið upp á margskonar skemmtikvöld þ.á m. karókí, mataruppákomur, kvikmyndasýningar o.fl.
Flug er ekki innifalið.
Heimasíða skólans er: www.campusmagnolie.it.
Arrivederci!
